ШҰҒЫЛ! Донор болу-сауапты іс Толығырақ

Жусупов Бекзат Бақбергенұлы

Бекзат Жүсіп Маңғыстау облысы, Маңғыстау ауданы, Ұштаған ауылында дүние келген. Еңбек жолын Ақтау қаласындағы «West» радиосынан бастаған Бекзат Бақбергенұлы кейін «Қазақстан РТРК» АҚ Маңғыстау облыстық филиалында жаңалықтар қызметінің редактор-жүргізуші болып қызмет еткен. 2009 жылы журналистік жұмысын «Алматы»  телеарнасындағы ақпараттық-сараптамалық бағдарламалар бөлімінде жалғастырды. Сонымен бірге республикалық «КТК», «Хабар» телеарналарында редактор, жүргізуші, бөлім продюсері болып тәжірибесін шыңдады. 2013 - 2016 жылдары мемлекеттік қызметке ауысып, Қызылорпда облысы әкімі баспасөз қызметінің жетекшісі, баспасөз хатшысы болды. Әл-Фараби атындағы Қазақ Ұлттық университетінің «Журналистика» бакалавры, Қазақ Халықаралық Қаржы және Сауда университетінің «Экономика» магистрі атанды. Сондай-ақ 2016-2019 жылдары аралығында Президенттің «Болашақ» бағдарламасы бойынша Ұлыбританияның Шығыс Англия Университетінде «Медиа, Мәдениет және Қоғам» мамандығы бойынша білім алып, магистрі атанған. 2019 жылдың тамызынан бастап «Қазақстан»РТРК» АҚ Маңғыстау облыстық филиалының директоры.