"ЭКСПО-2017" көрмесінде Маңғыстаудың өнер күндері өтеді

Тамыздың 15 мен 18 аралығында "Экспо-2017" халықаралық көрмесінде Маңғыстаудың өнер күндері өтеді. Оған 500 ге жуық жергілікті өнерпаз қатысады. 4 күнде барлығы 38 мәдени шара өткізілмекші. Бұл жөнінде бүгін өңірлік коммуникациялар қызметінде арнайы брифинг ұйымдастырылды.

20:23, 9 тамыз 2017   219

Мәдени күндердің ашылу салтанаты 15 тамызда Экспо алаңындағы амфитеатрда өтеді. Оған 350 өнерпаз қатысады. Концертте жергілікті әншілермен бірге Маңғыстаудан түлеп ұшқан өнер жұлдыздары да ән шырқайды.

Пәния Сармурзина - МО мәдениет басқармасы басшысының м.а.

Қазіргі таңда Экспоға облыстан 20 қол өнер шеберлері жүріп кетті. Олар ертеңнен бастап эксподағы этноауыл аумағында шеберлің кластарын , көрмелерін өткізе бастайды.

Маңғыстаудың өнер күндері этно-мәдени бірлестіктердің қатысуымен ерекшеленеді. Шараларға 120 өзге ұлт өкілі атсалысады деп жоспарланған.

Гүлжан Исмурзина - МО ҚХА хатшылығының меңгерушісі

Амфитеатр сахнасында маңғыстауда тұратын этностардың ұлттық киімі көрсетіледі. Бұл киімдер экспоға арнайы тігілген. қазақ халқының әдет  ғұрпы беташар, тұсау кесер көрсетіледі.

Ұлттық ойындар да ойнатылады. Жалпы мәдени шараларға 500 ге жуық өнерпаз қатысады.

«Қазақстан-Ақтау» телеарнасының ресми сайты

130000, Ақтау қаласы, 24 шағын аудан Байланыс телефондары: 8 (7292) 30 30 14