Қару атқандар жауапқа тартылуда

Жаңаөзен қаласында той тойлаған жастар аспанға дыбыстық қару атты. Картеждегі жігіттер дыбыс шығыратын спорттық тапаншаны пайдаланған. Сондай-ақ, жалған мемлекеттік белгімен жүріп, жол ережесін бұзыпты. Көлік ішінде тойдың басты кейіпкерлері де бар екен. Көпті шулатып, қауіпсіздік ережелерін сақтамағандардың бірі бірі сот шешімен 5 тәулікке қамалды. Барлығы айыппұл төлейтін болды.

21:04, 16 наурыз 2017   835

Қара түсті 570 лексус автокөлігі  жалған мемлекеттік белгі тағып той картежінде  емін-еркін жол ережесін бұзған. Онымен қоса, жүргізуші қауіпсіздік белдігін тақпаған  күйі көлік құралын басқарған. Бір емес осымен екінші рет қайталынып отырған заңбұзушылық үшін, 24жастағы жігіт екінші рет сынақ тапсырып, жүргізуші куәлігін алуға мәжбүр.

Нұрсейт ОРАЗОВ - Жаңаөзен қалалық ІІБ ЖПҚ басшысының орынбасары

Жалған мемлекеттік белгісімен жүргендігі үшін ҚР ӘҚБК 594 бабы бойынша хаттама толтырылып сотқа жолданды. 

Тас жолдың қақ ортасымен  кері қарай жүріп келе жатырған ВМВ маркалы, мемлекеттік белгісі 756  номерлі автокөлік.  Ережені өрескел бұзғандардың  ішінде 20  жастағы  мына жігіт  көлік  терезесінен,  дыбыс шығаратын спорттық тапаншамен  аспанға бірнеше рет атқан. Онымен қоса жолаушы қауіпсіздік белдігін де тақпаған.

Нұрсейт ОРАЗОВ - Жаңаөзен қалалық ІІБ ЖПҚ басшысының орынбасары

Қасындағы жолаушысы, дыбысты қару пайдаланғаны үшін 434-бойынша және 436 бап бойынша сотқа жолданды. 436-бап бойынша айыппұл салынып, 434-бап бойынша 5 тәулікке қамалды.

Бір мезетте бір емес, бірнеше айыппұл арқалаған  жүгенсіздердің бұл ісі, басқаларға да үлгі болсын дейді тәртіп сақшылары.  Ал, заңды белінен  басып өрескелдік жасаған  20 жастағы жігіт пен бір емес бірнеше рет  жол ережесіне бағынбаған 24 жастағы жүргізушіні жол сақшылары дер кезінде құрықтады.

«Қазақстан-Ақтау» Ұлттық телеарнасының ресми сайты

130000, Ақтау қаласы, 24 шағын аудан Байланыс телефондары: 8 (7292) 30 30 14