Жаңаөзен - жаңа келбетте

Енді Ақтау, Жаңаөзен қалаларын аббаттандыруға баса назар аударылмақ. Елбасы облысқа іссапары кезінде осыны шегелеп айтқан еді. Аймақтағы қос қала сән түзеп, көркею керек. Осы мақсатта, қалалардың көріктендірілуіне қаржы қарастырылып, талқыланып жатыр. Мәселен, 142 мың тұрғыны бар Жаңаөзен қаласының безендірілуіне бюджетте бекітілген қаражаттың басым бөлігі жұмсалмақ. Қазірдің өзінде мұнайлы мекеннің орталық көшелері күннен қуат алатын жарық шамдармен жабдықталып, тұрғын үйлері түрлі түске боялды.

20:44, 19 сәуір 2017   927

Жаңаөзен - түрлі түспен көмкерілген Қазақстандағы жалғыз қала. Франция, Италия, Германия провинцияларындағы әдемі қалашықтардың үлгісін қайталайды. Қазірдің өзінде 98 қала үйі 9 түрлі түске боялған.

Көркімен көз тойдыратын Жаңаөзенде бұл бастама 2013 жылы қолға алынған. Алайда, тұрғындар  пікірі екіге жарылып отыр. Олардың бірқатары бұл өзгерісті қолдаса, кейбірі келіспейтінін айтты.

Жаңаөзен қаласы - қазақы нақышқа толы. "Тайқазан", "Торсық, "Барыс", "Асығың алшысынан түссін", "Домбыра" композициялық мүсіндері қаланың шырайын ашып тұр. Сондай-ақ, күннен қуат алатын 300-ден астам шам көздің жауын алады.  Айта кетейік, мұндай жарықшамдар Қазақстанның басқа қалаларында кездесе бермейді.

«Қазақстан-Ақтау» Ұлттық телеарнасының ресми сайты

130000, Ақтау қаласы, 24 шағын аудан Байланыс телефондары: 8 (7292) 30 30 14