Қазақстан Орталық Азия елдері арасында бірқатар сала бойынша көш бастап тұр. ТМД мемлекетаралық статистикалық комитетінің мәліметінше, былтыр еліміздегі орташа жалақы 800 доллар болған. Бұл Өзбекстан мен Қырғызстандағы көрсеткіштен екі есе артық. Сондай-ақ еліміздің жаңа жобаларға инвестиция тарту бойынша көшбасшылығын атап өтуіміз керек. Біріккен Ұлттар ұйымының Азия және Тынық Мұхиты өңіріне арналған экономикалық-әлеуметтік комиссиясы былтырғы көрсеткіш туралы есебін жариялады. Былтыр Қазақстан жаңа жобаларға 15,7 миллиард доллар инвестиция тартқан. Ал, екінші орынға 4 млрд доллармен Өзбекстан тұрақтады. Үшінші орынға 2,1 миллиард доллармен Қырғызстан жайғасқан.