Көлік жуу орталықтары жабылады

Ақтауда автокөлік жуу орталықтарының жұмысына уақытша шектеу қойылады. Бұған теңіз температурасының жоғарылауы мен ауыз суды тұтыну көлемінің артуы себеп болып отыр. Сондай-ақ, жасыл желектерді суару да әзірге тоқтатылады. "МАЭК" кәсіпорны осы арқылы орталық сумен жабдықтау торабтарындағы тіршілік нәрінің деңгейін тұрақтандыруды көздейді. Жауаптылар аталған жағдайға көлік жуу орындары иелерінің түсіністік танытуын сұрайды.