Маңғыстаулық кик - боксшылар ел қоржынына екі алтын , бір қола медаль салды. Спортшылар Будапешт қаласында кикбоксингтен жастар және кадеттер арасында өткен әлем чемпионатында топ жарып, жеңіс тұғырынан көрінген. Бұл байрақты жарысқа дүниежүзінің 53 елінен, сегіз жүзден астам мықтылар сынға түсті. Екі бірдей спортшы өз қарсыластарын тізе бүктіріп, әлем чемпионы атанды. Жүлделі орындардан көрінген жеңімпаздарды туыстарымен дос- жарандары салтанатты түрде қарсы алды.