Сот реформасы: сот төрелігінің сапасы мен азаматтар сенімі

Бүгінде еліміздің сот жүйесі реформалау кезеңінен өтуде. Өзгерістердің негізгі мақсаты – сот төрелігінің сапасын арттыру, азаматтардың құқықтарын қорғау, заңдылықты нығайту және қоғамның сот жүйесіне деген сенімін күшейту. Судья жұмысының басты бағыты – қаралған істердің саны емес, қабылданған шешімдердің әділдігі мен заңдылығы. Сондықтан әрбір істі қарау барысында судья мән-жайды жан-жақты зерделеп, ұсынылған дәлелдемелерге объективті баға беруі тиіс.