Сайлау учаскелері мүгедектігі бар азаматтарды қабылдауға дайын

Ақтаудағы сайлау учаскелерінің мүмкіндігі шектеулі азаматтар үшін қолжетімділігі тексерілді. Қалалық орталық сайлау комиссиясының мүшелері мен мониторингтік топ өкілдері бірқатар нысанды аралап, олардың белгіленген талаптарға сәйкестігін бағалады. Тексеру барысында пандустардың жай-күйіне, дауыс беруге арналған кабиналардың қолайлылығына және арнайы аудиоматериалдардың сапасына баса назар аударылды.