Сайлау учаскесіндегі жәрмеңке

Оқушылар сарайындағы сайлау учаскесінде дауыс беру рәсімімен қатар, келушілерге ерекше көңіл-күй сыйлаған жәрмеңке де ұйымдастырылған. Жәрмеңкеге жергілікті кәсіпкерлер қатысып, өздері өндірген түрлі өнімдерін көпшілік назарына ұсынып тұр.Сөрелерде азық-түлік өнімдерінен бастап, қолдан жасалған бұйымдар мен түрлі тауарларға дейін бар.Сайлауға барған тұрғындар дауыс беріп қана қоймай, кәсіпкерлердің өнімдерімен танысып, өздеріне қажетті тауарларды сатып алуға мүмкіндік алған.