Тарихи кино арқылы ұлттық рухты жаңғырту

Бейнеу ауданынан 35 шақырым қашықтықта тарихи көркем фильмнің түсірілімі жүріп жатыр. Тарихи кезеңнің тынысын жеткізу үшін түсірілім алаңына жүзге жуық маман жұмылдырылған. Туынды ел жадында ерлігімен сақталған Төремұрат батырдың өмірі мен заманына арналмақ. Көпшілік сахнаға Бейнеу ауданының тұрғындары қатысса, актерлік құрамға Ақтөбе, Орал және Атырау өңірлерінің өнерпаздары таңдалған.