Әскери теңіз күштеріне - 30 жыл

Ақтауда Қазақстан Әскери-теңіз күштерінің құрылғанына 30 жыл толуына орай салтанатты шара өтті. Оған Әскери-теңіз күштерінің қолбасшылығы, Маңғыстау облысының әкімі Нұрдәулет Қилыбай, Ақтау гарнизонының әскери қызметшілері, флот ардагерлері және қоғам өкілдері қатысты. Мемлекеттік Әнұранның орындалуымен Мемлекеттік және Әскери-теңіз күштерінің тулары көтерілді. Шараға қатысушыларды Әскери-теңіз күштерінің бас қолбасшысы, 1-ші дәрежелі капитан Қанат Ниязбеков құттықтады.