61 апатты үй жаңартылады
Маңғыстау облысында апатты деп танылған үйлерді жаңарту жоспарланып отыр. Өңірде 61 үй апатты жағдайда деп танылған. Жоба Жаңаөзен қаласы, Бейнеу және Қарақия аудандарын қамтиды. Оның 25-і Жаңаөзен қаласында, 17-сі Бейнеу ауданында, қалған 15-і Қарақия ауданында орналасқан. Мәселен, Жаңаөзен қаласында жобаның бірінші кезеңінде «Вокзал» шағын ауданындағы 9 үйдің 100 пәтерінде тұратын тұрғындар көшіріледі. Қала құрылған алғашқы жылдары салынған екі қабатты үйлер бүгінде тұруға жарамсыз деп танылған. Ескі нысандар кезең-кезеңімен сүріледі. Жоба аясында жалпы аумағы 53 мың шаршы метрден асатын көпқабатты тұрғын үйлер салынады. Құрылыс жұмыстарын 2027 жылы бастап, 2029 жылы аяқтау жоспарланып отыр.