Қолөнерге құштар өрендер

Қолөнер – ұлттың болмысын танытып, шеберлігін дәріптейтін өнер түрі. Жаңаөзен қаласындағы Оқушылар шығармашылық үйінде қолөнер үйірмелерінің апталығы басталды. Шараның ашылу салтанатында жас шеберлердің қолынан шыққан туындылар көпшілік назарына ұсынылды. Сондай-ақ, жуырда Астана қаласында өткен «Creative Aimaq» жобасы аясындағы көрме-жәрмеңкеге қатысып, ұлттық өнерді ұлықтауға атсалып қайтқан қолөнер шеберіне құрмет көрсетілді.