Облыста гуманитарлық көмек жинау тоқтатылады. Эвакуацияландарға енді барлық көмек мемлекеттік материалдық қордан бөлінеді. Қазір аймақта гуманитарлық көмекті қабылдайтын 15 пункті бар. Қазір ол жерде халықтан келген соңғы азық-түлік тауарлар таратылып жатыр. Айта кетейік, Маңғыстауға мемлекеттік резервтен 240 тонна азық пен 18 мыңнан астам төсек-орын жабдықтары жеткізілді. Оның ішінде 180 тоннасы бірінші сұрыпты ұн, 4 тонна макарон, 12 тонна қарақұмық жармасы және өзге де тауарлар бар.