Республикалық олимпиада жеңімпаздары

Маңғыстаулық оқушылар жалпы білім беретін пәндер бойынша республикалық олимпиаданың IV кезеңінде жүлдегер атанды. Астана қаласында өткен ауыл мектептерінің оқушыларына арналған додаға ел аймақтарынан 490-қа жуық бала қатысқан. Соның ішінде өңір намысын қорғаған 23 оқушы жүлделі орындарға ие болды. Оның 4-уі алтын, 8-і күміс, ал 11 оқушыға қола медаль бұйырды. Жоғары нәтиже көрсеткендер қатарында мұнайлылықтар да бар.