Ауыл мектептері заманауи құрал-жабдықтармен қамтылды
Бұл туралы Астана қаласындағы №104 мектеп директоры Нұртас Жағабаев айтты.
Соңғы екі жылда елімізде 217 жаңа мектеп бой көтерді. Оның 40 пайызы ауылдық жерлерде салынған.
Жаңа мектептер бұрынғы білім беру нысандарынан 20-30 пайызға кең әрі заманауи құрал-жабдықтармен қамтылған. Мұнда химия және физика зертханалары, робототехника және STEM кабинеттері қарастырылған.
Жобаның басты ерекшелігі – ауыл мен қала мектептері арасындағы білім беру мүмкіндіктерінің айырмашылығын азайту. Жаңа нысандардың жабдықталу деңгейі бірдей, бұл оқушыларға тең мүмкіндік береді.