Маңғыстауда жануарлар дүниесін қорғау күшейтілді

Маңғыстауда браконьерлікпен күрес және табиғи аумақтарды қорғау мәселелері талқыланды. Жиында табиғатты қорғау мекемелерінің басшылары соңғы үш жылда атқарылған жұмыстар туралы есеп берді. Сонымен қатар браконьерліктің алдын алу, жануарлар дүниесін қорғау және табиғатқа келетін залалды азайту бағытындағы бірлескен жұмыстардың нәтижелері қаралды. Кездесуде анықталған заң бұзушылықтар, келтірілген залал көлемі және табиғатты қорғау шараларын күшейту жөніндегі ұсыныстар айтылды.