Жаңа оқу жылы бастау алды
Бүгін - Білім күні. 31-мектепте жаңа оқу жылы көтеріңкі көңіл күймен басталды. Алғашқы қоңырауға жиналған оқушылар, ұстаздар мен ата-аналардың жүзінен қуаныш пен толқыныс байқалды.Әсіресе мектеп табалдырығын алғаш рет аттаған бүлдіршіндер үшін бұл күн ерекше болды. Биыл 250 бүлдіршін алғаш рет мектепке барып, қолдарына әліппе алып, білім әлеміне қадам басты.Жалпы білім ордасы жаңа оқу жылын 2 мыңнан астам оқушымен бастап отыр.Салтанатты жиында ұстаздар оқушыларға сәттілік тілеп, жаңа оқу жылында жақсы нәтижелерге жетуге шақырды.