3 жасар бала жансақтауда
Жаңаөзенде үш жасар бүлдіршін ауруханаға өз аяғымен барып, кейін жансақтау бөліміне түскен. Баланың ата-анасы медициналық көмек көрсету барысында тиісті ем-дом дер кезінде жүргізілмеді деп есептейді.Айтуларынша, 5 қыркүйек күні қызуы көтерілген ұлын жедел жәрдеммен қалалық ауруханаға жеткізген. Ата-ананың сөзінше, кезекші дәрігер баланың жағдайын бақылап, ем жүргізген. Кейін денесі құрыса бастағанда, оған ұйықтататын дәрі егілгенін айтады. Содан бері 24 күн өтсе де, үш жасар бала әлі есін жимаған.