Мектеп ұжымының мақсаты - сабақ сапасында

Қазанның алғашқы күндері елімізде ұстаздар қауымының кәсіби мерекесі аталып өтеді. Алайда бүгінгі мектептің басты назары салтанатты жиындарда емес, күнделікті сабақ сапасында. Әсіресе гаджетке тәуелді жаңа буынды ана тіліне баулып, кітап оқыту мұғалімнен мүлде бөлек шеберлікті талап етеді. Қазір Ақтаудағы жиырмасыншы мектептен тілшіміз Асель Қанатқызы тікелей байланысқа шықпақ. Асель, мектептің ерекшелігімен бөліссең. Мұғалімдері жайында айтып берсең.