Халықаралық стандартқа сай спорт кешені салынуда

Жаңаөзенде халықаралық стандарттарға сай дене шынықтыру-сауықтыру кешені бой көтеріп жатыр. Аймақ басшысы Нұрдәулет Қилыбай Жаңаөзенге жасаған жұмыс сапары барысында жаңа нысанның құрылыс барысымен танысты. Жобаны жүзеге асыруға «Halyk» қайырымдылық қоры мен облыс әкімдігі арасындағы ынтымақтастық негіз болған. Тараптар 2023 жылы меморандумға қол қойып, өңірде әлеуметтік маңызы бар бірқатар ірі жобаны іске асыруды қолға алған.