Маңғыстауда балаларға арналған тегін қысқы спорт үйірмелері ашылды

Маңғыстауда қысқы спорт түрлеріне қызығушылық артып келеді. Биыл наурыз айында Ақтауда жаңа мұз айдыны ашылып, балалар мен жасөспірімдерге хоккей және мәнерлеп сырғанау үйірмелеріне қатысуға мүмкіндік туды. Қазір спорт мектебінде екі оқу кезеңі бойынша қабылдау жүріп жатыр. Жаттығуларды Қазақстанның өзге өңірлерінен және шет мемлекеттерден келген тәжірибелі мамандар өткізеді.